Cofio Cawr – teyrnged i Dewi ‘Pws’ Morris

Siaradwr ail-iaith o aelwyd uniaith Saesneg, roedd Dewi Pws yn ysbrydoliaeth ac yn esiampl i mi ac i lawer eraill na doedd ‘Cymreictod’ jest yn fater o gael achau Cymreig ond yn rhywbeth i’w fyw yn feunyddiol. Ymgyrchydd brwd dros yr iaith a dros ddyfodol annibynnol i Gymru, meiddiai neb honni na doedd Pws yn ‘Gymro i’r carn’ er iddo ddod o dras ddi-gymraeg.

Yn anffodus, dyma’r union frwydr oedd yn wynebu gormod o ddysgwyr – gan gynnwys finnau – yn ystod fy mhlentyndod ac yn waeth eto, mae’n parhau hyd yn heddiw.

I mi, y deyrnged gorau i Pws fase chwalu’r hen syniadau ysgarol unwaith ac am byth. Hoffwn i weld cymuned y Cymry Cymraeg yn darparu mwy o gyfleoedd anffurfiol i ddysgwyr, siaradwyr ail-iaith a’r miloedd o blant a phobl ifanc sydd ddim yn defnyddio eu Cymraeg tu hwnt i’r dosbarth. Rhaid i ni weithio ar y cyd i chwalu’r hen ofn beirniadaeth ac i greu delwedd groesawgar i’r iaith oedd mor bwysig ac mor werthfawr i Dewi Pws.

Diolch o galon cenedl a chysga’n dawel, Dewi Pws – welwn ni byth ‘mo dy debyg.

‘Ysgrifennwyd gan  Keri-Elisabeth Roberts